Pupujian di Masigit

Sampurasun ... Rampes.

MANGYONO.com - Pupujian di Masigit

Masih inget teu... ? Atawa masih keneh sok ngadenge pupujian atawa nadom anu sok di hariringkeun saparantosna adzan.......? Nah, didieu amang arek nulis ngeunaan sababaraha pupujian atawa Nadoman dina Bahasa Sunda, anu sok di hariringkeun jaman keur leutik jeung babaturan di masigit/ tempat ngaji sabada adzan anu seseringna sabada adzan maghrib, anu eusina ngeunaan ngajak shalat, ngajak kanu kahadean jeung sajabana.... Mangga urang bernostalgia :

 Pupujian di Masigit

Di Jero Pakuburan

Allahumma shali wassalim ala

Sayyidina wa maulana muhammadin

Adadama fi'ilmilahi sholatan

Daimatan bida'wami mulkillahi

Dawuh nabi

Ari dina pakuburan

Eta pasti nalangsa sabab nyorangan

Sareung deui di kubur teh poek pisan

Nu nyaangan di kubur

ku maos qur'an

Nu moekan Dikubur

Ku dosa urang

Anak Adam

Anak adam di dunya teh ngumbara

Hirup anjeun di dunya teh moal lila

Anak adam umur anjeun teh ngurangan

Saban poe saban peuting di centangan

Anak adam paeh anjeun te nyarengan

Ku anak salaki jeung babandaan

Anak adam paeh eweuh nu dibawa

Ngan asiwung jeung boeh anu dibawa

Anak adam pasaran teu lolongseran

Saban poe saban peting gegeroan

Anak adam ayena kaluar ti imah

Di garotong dina pasaran teu genah

Aduh bapa aduh ema abdi keueung

Rup kapandang rup kutaneh abdi sieun

Anak adam di kubur teh poek pisan

Nu nyaangan di jero kubur teh maca quran.

Eling-eling Umat

Eling-eling umat

Muslimin jeung muslimat

Hayu urang berjama'ah shalat maghrib

Estu kawajiban urang keur hirup di dunya

Kanggo pibeukeuleun

Urang jaga di akherat

Dua puluh tujuh

ganjaran nu berjama'ah

lamun sorangan

hiji ge mun bener fatihah