--> Skip to main content

JATINING HIRUP - Cicih Cangkurileung - Kidung

Sampurasun ...

MANGYONO.com - Berikut ini adalah kidung JATINING HIRUP yang di haleuangkan oleh pesinden CICIH CANGKURILEUNG pesinden dari Pagaden, Kab. Subang, Jawa Barat  yang diiringi kecapi suling.


JATINING HIRUP - Cicih Cangkurileung - Kidung
Lirik Kidung JATINING HIRUP 
 Cicih Cangkurileung


 

JATINING HIRUP

 

ARI EMUT KANA HIRUP

URANG ANU DI KANDUNG BADAN

SANAJAN PULUHAN TAUN

TETEP MANTEB NGASUH WUJUD

BEURANG PEUTING TETEP NGAPING

 

DINA SUKA DINA BUNGAH

TEU WANI NINGGALKEUN URANG

TUNDUK TAAT KA PANGERAN

NGEMBAN TUGAS TI ILLAHI

NGAHIJI JEUNG RAGA URANG...

GUSTI...

 

KUDU NGANTEUR KUDU NYAAH

NYARENGAN KANU NGUMBARA

BARI URANG TEU NGARASA

WUJUD DIASUH KU HIRUP

 

DI MANDIAN DI USAPAN

DI PUJI DI GULANGGAPER

GEUGEUT DEUDEUH SONO NYAAH

DIMANA RAGA CILAKA

 

PANGHEULANA NU NGABELA

GETEN RAPIH GOTONG ROYONG

SABIDANGNA - SABIDANGNA

DINA RAGA ANU HIRUP

 

RARANGKEN BADAN SAMPURNA

AYA SOCA JEUNG AWASNA

AYA CEPIL JEUNG DANGUNA

AYA IRUNG JEUNG ANGSEUNA

AYA BAHAM JEUNG UCAPNA

JEUNG ANU SANES-SANESNA...

SANES-SASANESNA

 

WARUGA PINUH KU HIRUP

KEUR NGABANTU RAGA URANG

SUPAYA SAGALA TERANG

ALLOH MAPARIN RASA

KEUR WADAH NIMATNA DUNYA

BAWAEUN JAGA DI AHIR

 

KEUR NYAKSIAN LAKU URANG

RAGA BAKAL CUMARITA

DINA HADE DINA GORENG

DITERANGKEUN SAJELASNA

PAYUNEUN ALLOH TAALA

URANG TEH TEU BISA MUNGKIR

 

DA ALLOH MAHA UNINGA

LAMUN HADE KANU HADE

LAMUN GORENG KANU GORENG

KUMAHA AMAL DI DUNYA

 

KULANTARA URANG KITU

AYEUNA SING ATI-ATI

NGAGUNAKEUN HIRUP URANG

DINA JALAN NU MANGPAAT

DIPAKE AMAL IBADAH

SUPAYA TEU JADI BEURAT

 

HIRUP KUDU GURA-GIRU

PAEH TEU NYAHO MANGSA

HIRUP TEH NUNGGUAN WAKTU 

( MANG YONO )

IBADAH SING BEUBEUNANGAN

HIRUP REK NGANDELKEUN SAHA

ARI LAIN MEUNANG URANG

 

MEUNGPEUNG HIRUP KEUR NGAHIJI

AWAK JEUNG WARUGA BADAN

NU MATAK URANG AYEUNA

MEUNGPEUNG HIRUP KEUR DI DUNYA

URANG BAWA KEUR IBADAH

 

DINA JALAN ALLOH TAALA

SUPAYA JAGA SAMPURNA

PADA MULIH KA ASALNA

DINA WAKTU URANG MULANG

ANTARA RAGA JEUNG SUKMA

MASING-MASING PILEULEUYAN

 

NU HIRUP MULIH KA ALLOH

RAGA NAMBRU TANPA DAYA

SUKMA MEDAL TEU KARASA

RAGA MULANG KA ASALNA... GUSTI

 

ASAL ANGIN KANA ANGIN

ASAL SEUNEU KANA SEUNEU

ASAL CAI KANA CAI

ASAL BUMI KANA BUMI

TAH IEU TUJUAN URANG

 

HAYANG SAMI MULIH DEUI

DA ASAL GE TI PANGERAN

SUKMA RAGA SING SAMPURNA

ASAL EUWEUH JADI EUWEUH

NYA MULANG… DULUR …..

KA RAHMATULLAH

 

MANGKA URANG TI AYEUNA

HIRUP ULAH RASA MANEH

HENTEU MEUNANG SAMEMENA

ULAH REK NGUMBAR AMARAH

BISI WUJUD KATEMPUHAN

 

MOAL AYA SOBAT BELA

DINA RUGI JEUNG CILAKA

KARI BATIN ANU NYERI

EUWEUH NU MAJAR KUMAHA

 

KARI URANG NGAN SORANGAN

GEUNING LOBA KAJADIAN

PIKEUN CONTO KEUR KA URANG

DINA KEUR SAGALA AYA

KABEH SOBAT PADA DATANG

 

EUWEUH ANU DILENGOHAN

NAON BAE ANU AYA

KUDU BAE DI BAHANAN

NUMATAK SING ATI-ATI

NGANGON HIRUP TI AYEUNA

NGANGON HIRUP TI AYEUNA

 

ULAH BUTUH KU DIPUJI

ETA LAIN BOGA URANG

ANGING ALLOH NU KAGUNGAN

 

MUN URANG NARIMA PUJI

AHIRNA BAKAL MAEHAN

BAKAL PAEH HIRUP URANG

BARIS NGATOG KE DI AHIR

 

 

 

Lihat vidionya DISINI

 

youtube image
Comment Policy: Silahkan tuliskan komentar Anda yang sesuai dengan topik postingan halaman ini. Komentar yang berisi tautan tidak akan ditampilkan sebelum disetujui.
Buka Komentar
Tutup Komentar
Comments
0 Comments